Të dashur studentë


Miq dhe dashamirë të Universitetit "Ukshin Hoti" në Prizren


Zonja dhe zotërinj,

Kam nderin dhe kënaqësinë t'ju dëshiroj mirëseardhje në faqen zyrtare të Universitetit "Ukshin Hoti" në Prizren.

Misioni parësor i Universitetit të Prizrenit është arsimimi dhe edukimi cilësor i të rinjve. Këtë mision të shenjtë synojmë ta arrijmë duke krijuar kuadro të mirëfillta, të cilët do të jenë promotor të ndryshimeve si në vend ashtu edhe jashtë tij.

Rektorati dhe stafi akademik i këtij Universiteti, para së gjithash, mbajnë përgjegjësi për krijimin e sistemeve të reja të vlerave, në veçanti në arsim, shkencë, dhe kulturë, të cilat paraqesin shtyllën kryesore për zhvillim dhe prosperitet të gjeneratave të ardhshme.

Universiteti i Prizrenit është institucion i ri ( 01.10.2010) por gurët e parë në themelimin e këtij Universiteti janë vendosur që me hapjen e shkollës së lartë pedagogjike në vitin 1962. Ky Universitet, veprimtarinë e tij e zhvillon në dy cikle të studimeve: themelore dhe ato të masterit me një program, ndërsa vitin e ardhshëm akademik synojmë të hapim disa programe master e më vonë edhe ato të doktoratës. Vlen të përmendet se në këtë Universitet janë të përfshirë studentë të tre komuniteteve, prandaj edhe mësimi zhvillohet në tre gjuhë: shqip, turqisht dhe boshnjakisht.

Universiteti ynë ju ofron të gjithë qytetarëve shërbime dhe mundësi studimi për të qenë si ekspertë të kualifikuar. Rritja e cilësisë së shërbimeve akademike, përsosja e nivelit të mësimdhënies dhe e kërkimeve shkencore janë synim i Universitetit tonë. Synim dhe përpjekje e vazhdueshme e menaxhmentit dhe stafit akademik të këtij Universiteti, si çdo institucioni arsimor, është që t'i ofron të gjithë studentëve një shërbim cilësor. Rritja e cilësisë së shërbimit, përsosja e nivelit të mësimdhënies dhe kërkimit shkencor arrihet nëpërmjet komunikimeve të vazhdueshme me studentët.

Të dashur student, Universiteti ynë është promotor i përfaqësimit studentor duke nxitur funksionimin e Parlamentit studentor si organ i pavarur i studentëve dhe përfshirjen e tyre në procesin e vendimmarrjes. Prandaj pjesëmarrja e juaj aktive në debate publike, kontribuon në zhvillimin e Universitetit si pjesë më progresive dhe më avangarde e shoqërisë tonë.

Drejtuesit e Universitetit, një rëndësi të veçantë do t'i kushtojnë bashkëpunimit me Universitet tjera, si nga vendi, regjioni dhe me gjerë. Universiteti ynë bashkëpunon edhe me institucionet tjera arsimore si dhe sektorin privat për nevojat e realizimit të punës praktike të studentëve tanë, ku njëkohësisht edhe hulumtohen mundësit e krijimit të vendeve të punës për studentë të diplomuar të Universitetit tonë. Po ashtu, rëndësi të posaçme do t'i kushtojmë organizimit të aktiviteteve dhe manifestimeve shkencore, simpoziumeve , tribunave, debateve me ç’rast disa prej tyre do të realizohen në bashkëpunim me institucionet tjera arsimore nga vendi dhe jashtë tij.

Ju dëshiroj suksese të gjithëve!

Universiteti

UPZ është Universiteti i dytë publik në Kosovë. Në vitin 2010 numri i studentëve ishte afër 1700, ndërsa tani, në vitin 2014, numri i studentëve...

Lexo më shumë

Rekomandimet

"Në ditën e dytë të vizitës në Austri, me 31.03.2015 Rektori i UPZ-së, Prof. Dr. Ramë Vataj ka vizituar Universitetin e Shkencave të Aplikuara – Technikum-Vjenë, ku është takuar me Prof. DI Dr. Christian Kollmitzer, Prorektor dhe Udhëheqës i Departamentit për Electronic Engineering, prof. DI Dr. Thomas Sommer, Udhëheqës i Departamentit të Masterit për „Telekommunikation und Internettechnologien” dhe   Mag. Dr. Sandra Allmayer, MA, Udhëheqëse e Marrëdhënieve Ndërkombëtare. Ndërsa pjesë e delegacionit nga UPZ ishte edhe Prof.Ass.Dr. Artan Dermaku - Dekan në FSHK dhe Prof.Ass.Dr. Xhevahir Bajrami profesor në këtë fakultet. Në takim është biseduar për format e bashkëpunimit të ndërsjellë në mes të  FH Technikum Wien në Vjenë dhe UPZ-së, me theks të veçantë në mundësitë e  mobilitetit të profesorëve dhe mundësisë që studentet tanë të vazhdojnë studimet në nivelin Master, apo edhe përmes programit ERASMUS, për një apo dy semestra në nivelin Bachelor në këtë Universitet. Duke ditur se ky Universitet prestigjioz në Vjenë është shumë i njohur në Teknologji , është kërkuar nga UPZ që Technikum Vjene të ndihmoj në krijimin e laboratorëve teknologjik gjë që u pranua me dëshirë nga ana e tyre. Gjithashtu treguan një gatishmëri të madhe që studentët tanë të mund të vijojnë pjesën praktike sidomos në semestrin e pestë dhe të gjashtë të studimeve Bachelor në laboratorët e këtij Universiteti. Gjithashtu në takim është treguar gatishmëri e FH Technikum Wien që mësimdhënësit e tyre të mbajnë ligjërata në UPZ si dhe anasjelltas që Profesorët e UPZ të mbajnë ligjërata në këtë Universitet si mësimdhënës mysafir. Duke pasur parasysh se programi TIT në Fakultetin e Shkencave Kompjuterike në UPZ është shumë i përafërt me programet ekzistuese të Technikum u ra dakord që studentët tanë janë të mirëpritur për të bërë vazhdimin e studimeve Master në drejtimet e tyre përkatëse. Vizita në këtë universitet prestigjioz të Austrisë ishte shumë e suksesshme dhe së shpejti do të formalizohet nënshkrimi i marrëveshjes së bashkëpunimit në mes të dy universiteteve."

Rektori Vataj ka vizituar Universitetin e Shkencave të Aplikuara – Technikum në Vjenë

Rektori Vataj ka vizituar Universitetin e Shkencave të Aplikuara – Technikum në Vjenë

Në ditën e dytë të vizitës në Austri, me 31.03.2015 :Rektori i UPZ-së, Prof. Dr. Ramë Vataj ka vizituar Universitetin e Shkencave të Aplikuara – Technikum-Vjenë, ku është takuar me Prof. DI Dr. Christian Kollmitzer, Prorektor dhe Udhëheqës i Departamentit për Electronic Engineering, prof. DI Dr. Thomas Sommer, Udhëheqës i Departamentit të Masterit për „Telekommunikation und Internettechnologien” dhe Mag. Dr. Sandra Allmayer, MA, Udhëheqëse e Marrëdhënieve Ndërkombëtare. Ndërsa pjesë e delegacionit nga UPZ ishte edhe Prof.Ass.Dr. Artan Dermaku - Dekan në FSHK dhe Prof.Ass.Dr. Xhevahir Bajrami profesor në këtë fakultet.