Ngjarje

Universiteti "UKSHIN HOTI" Prizren

Adresa: Rruga e Shkronjave, nr. 1 20000 Prizren, Republika e Kosovës

Tel: 029 232-140
Email: rektorati@uni-prizren.com (Rektorati)

Ministrja Hoxha viziton Universitetin “Ukshin Hoti”

22 Mars 2017

Ministrja e Drejtësisë, Dhurata Hoxha, ka vizituar Universitetin “Ukshin Hoti” në Prizren, me ç’rast është pritur nga rektori Ramë Vataj.

Fillimisht ajo ka vendosur lule te shtatorja e Ukshin Hotit, emrin e të cilit e mban Universiteti i Prizrenit. Më pas, ajo është takuar edhe me studentë të Fakultetit Juridik, raporton Ekonomia Online.

Hoxha: Fuqizimi i sundimit të ligjit nuk ka opsion

Fuqizimi i sundimit të ligjit është opsioni i vetëm që ne e kemi. Kështu tha ministrja e Drejtësisë, Dhurata Hoxha pas vizitën që i bëri Universitetit të Prizrenit “Ukshin Hoti”, me ç’rast u prit nga rektori i këtij universiteti Ramë Vataj dhe më pas mbajti edhe një takim me studentë të Fakultetit Juridik.

“Dua të bart mesazhin se sundimi i ligjit nuk është opsion do të thotë nuk është që a të zgjedhim a të ketë sundim të ligjit apo të mos ketë. Do të thotë është opsioni i vetëm që ne e kemi fuqizimin e sundimit të ligjit dhe isha pozitivisht e befasuar me kalibrin e studentëve, me njohuritë që ata kishin”, ka theksuar Hoxha.

Ajo i përgëzoi profesorët e këtij universiteti pasi që sipas saj kanë bërë punë të mirë në edukimin e brezave dhe gjeneratave të reja.

“Këtu e përgëzoj Universitetin e Prizrenit, profesorët sepse me të vërtetë kishin bërë një punë të mrekullueshme në edukimin e brezave dhe gjeneratave të reja dhe kam shumë shpresa se të gjithë ata studentë që i takova do të jenë gjenerata e gjyqtarëve guximtarë, prokurorëve guximtarë që me të vërtetë ta luftojnë krimin, korrupsionin dhe të gjitha dukuritë tjera negative”, ka pohuar ministrja Hoxha.

Kurse rektori i Universitetit të Prizrenit “Ukshin Hoti”, Ramë Vataj ka theksuar se ka qenë dëshira e ministres që ta vizitojë institucionin e dijes dhe të diskutojë me studentë për çështje që i preokupojnë të gjithë qytetarët e sidomos studentët që janë pjesa më elitare e shoqërisë.

“Pyetjet e studentëve kanë qenë sundimi i ligjit gjë e cila neve na mundon të gjithëve dhe besoj se ministrja e ka parë edhe nivelin e studentëve tonë që janë nivel i krahasueshëm edhe me vendet e regjionit dhe besoj se studentët kanë marrë disa prej praktikave ku njëra prej pyetjeve ishte edhe inkurajimi dhe përvoja e vajzave tona që të arrijnë më lart”, ka thënë ai.

<< prapa

Universiteti

UPZ është Universiteti i dytë publik në Kosovë. Në vitin 2010 numri i studentëve ishte afër 1700, ndërsa tani, në vitin 2014, numri i studentëve...

Lexo më shumë

Rekomandimet

"Në ditën e dytë të vizitës në Austri, me 31.03.2015 Rektori i UPZ-së, Prof. Dr. Ramë Vataj ka vizituar Universitetin e Shkencave të Aplikuara – Technikum-Vjenë, ku është takuar me Prof. DI Dr. Christian Kollmitzer, Prorektor dhe Udhëheqës i Departamentit për Electronic Engineering, prof. DI Dr. Thomas Sommer, Udhëheqës i Departamentit të Masterit për „Telekommunikation und Internettechnologien” dhe   Mag. Dr. Sandra Allmayer, MA, Udhëheqëse e Marrëdhënieve Ndërkombëtare. Ndërsa pjesë e delegacionit nga UPZ ishte edhe Prof.Ass.Dr. Artan Dermaku - Dekan në FSHK dhe Prof.Ass.Dr. Xhevahir Bajrami profesor në këtë fakultet. Në takim është biseduar për format e bashkëpunimit të ndërsjellë në mes të  FH Technikum Wien në Vjenë dhe UPZ-së, me theks të veçantë në mundësitë e  mobilitetit të profesorëve dhe mundësisë që studentet tanë të vazhdojnë studimet në nivelin Master, apo edhe përmes programit ERASMUS, për një apo dy semestra në nivelin Bachelor në këtë Universitet. Duke ditur se ky Universitet prestigjioz në Vjenë është shumë i njohur në Teknologji , është kërkuar nga UPZ që Technikum Vjene të ndihmoj në krijimin e laboratorëve teknologjik gjë që u pranua me dëshirë nga ana e tyre. Gjithashtu treguan një gatishmëri të madhe që studentët tanë të mund të vijojnë pjesën praktike sidomos në semestrin e pestë dhe të gjashtë të studimeve Bachelor në laboratorët e këtij Universiteti. Gjithashtu në takim është treguar gatishmëri e FH Technikum Wien që mësimdhënësit e tyre të mbajnë ligjërata në UPZ si dhe anasjelltas që Profesorët e UPZ të mbajnë ligjërata në këtë Universitet si mësimdhënës mysafir. Duke pasur parasysh se programi TIT në Fakultetin e Shkencave Kompjuterike në UPZ është shumë i përafërt me programet ekzistuese të Technikum u ra dakord që studentët tanë janë të mirëpritur për të bërë vazhdimin e studimeve Master në drejtimet e tyre përkatëse. Vizita në këtë universitet prestigjioz të Austrisë ishte shumë e suksesshme dhe së shpejti do të formalizohet nënshkrimi i marrëveshjes së bashkëpunimit në mes të dy universiteteve."

Rektori Vataj ka vizituar Universitetin e Shkencave të Aplikuara – Technikum në Vjenë

Rektori Vataj ka vizituar Universitetin e Shkencave të Aplikuara – Technikum në Vjenë

Në ditën e dytë të vizitës në Austri, me 31.03.2015 :Rektori i UPZ-së, Prof. Dr. Ramë Vataj ka vizituar Universitetin e Shkencave të Aplikuara – Technikum-Vjenë, ku është takuar me Prof. DI Dr. Christian Kollmitzer, Prorektor dhe Udhëheqës i Departamentit për Electronic Engineering, prof. DI Dr. Thomas Sommer, Udhëheqës i Departamentit të Masterit për „Telekommunikation und Internettechnologien” dhe Mag. Dr. Sandra Allmayer, MA, Udhëheqëse e Marrëdhënieve Ndërkombëtare. Ndërsa pjesë e delegacionit nga UPZ ishte edhe Prof.Ass.Dr. Artan Dermaku - Dekan në FSHK dhe Prof.Ass.Dr. Xhevahir Bajrami profesor në këtë fakultet.