Ngjarje

Universiteti "UKSHIN HOTI" Prizren

Adresa: Rruga e Shkronjave, nr. 1 20000 Prizren, Republika e Kosovës

Tel: 029 232-140
Email: rektorati@uni-prizren.com (Rektorati)

Në UPZ nisi punimet Konferenca shkencore ndërkombëtare mbi matjen dhe vlerësimin në arsim dhe psikologji

05 Shtator 2018

Në Universitetin “Ukshin Hoti” në Prizren, të mërkurën nisi punimet Kongresi VI Ndërkombëtar mbi matjen dhe vlerësimin në arsim dhe psikologji 5-8 shtator 2018. Në hapjen solemne kanë marr pjesë Rektori i UPZ-së, Prof. Dr. Ramë Vataj, në cilësi të nikoqirit, në emër të EPODDER Prof. Selahattin Gelbal, në emër të HKU Prof. Yaşar Özbay, Kryetari i Komunës së Prizrenit, Prof. Dr. Mytaher Haskuka, Konzullja e Turqisë në Prizren, Eylem Altunya, deputetët e Kuvendit të Kosovës, Müfera Srbica - Şinik dhe Fikrim Damka dhe  mysafirë të shumtë. Kongresi ka për qëllim të ndajë ekspertizën, përvojën dhe punën shkencore me kolegët në mbarë botën. Kongresi do të përfshijë folësit e ftuar, diskutimet në panele, raportet verbale dhe prezantimet e posterave.

Rektori i UPZ-së, Prof. Dr. Ramë Vataj në fjalën e tij fillimisht ju shprehi mirëseardhje mysafirëve të shumtë dhe e vlerësoi të rëndësisë së veçantë mbajtjen e kësaj konference shkencore në UPZ. Ai theksoi se Turqia dhe universitetet turke janë mbështetësit më të mëdhenj të këtij universiteti që nga fillimi duke shtuar se prej se ka ardhur rektor i UPZ bashkëpunimin me universitetet turke e ka konsideruar bashkëpunim kombëtar duke marr për bazë afërsinë e dy vendeve dhe diversitetin kulturor që ka Prizreni ku janë të koncentruar dhe akomoduar shumë mirë komunitet turk.

Kryetari i Komunës së Prizrenit, Prof. Dr. Mytaher Haskuka, tha se ndihet i nderuar që merr pjesë në këtë konferencë të rëndësishme shkencore që po mbahet në qytetin e Prizrenit dhe ju uroi suksese në prezantimin e punës së tyre studiuesve në temat që trajtohen në këtë konferencë. Ai shtoi se Prizreni ka bashkëpunim të mirë me shumë komuna të Turqisë.

Edhe Deputetja e Kuvendit të Kosovës, Müfera Srbica - Şinik përshëndeti punimet e kësaj konferencë me një fjalë rasti dhe duke ju uruar suksese studiuesve.

Nga një fjalë rasti e mbajtën edhe Prof. Selahattin Gelbal në emër të EPODDER dhe Prof. Yaşar Özbay në emër të HKU, të cilët falënderuan rektorin Vataj dhe organizatoren Prof. Serdan Kervan për kontributin e tyre në organizimin e kësaj konference.

<< prapa

Universiteti

UPZ është Universiteti i dytë publik në Kosovë. Në vitin 2010 numri i studentëve ishte afër 1700, ndërsa tani, në vitin 2018, numri i studentëve...

Lexo më shumë

Rekomandimet

"Në ditën e dytë të vizitës në Austri, me 31.03.2015 Rektori i UPZ-së, Prof. Dr. Ramë Vataj ka vizituar Universitetin e Shkencave të Aplikuara – Technikum-Vjenë, ku është takuar me Prof. DI Dr. Christian Kollmitzer, Prorektor dhe Udhëheqës i Departamentit për Electronic Engineering, prof. DI Dr. Thomas Sommer, Udhëheqës i Departamentit të Masterit për „Telekommunikation und Internettechnologien” dhe   Mag. Dr. Sandra Allmayer, MA, Udhëheqëse e Marrëdhënieve Ndërkombëtare. Ndërsa pjesë e delegacionit nga UPZ ishte edhe Prof.Ass.Dr. Artan Dermaku - Dekan në FSHK dhe Prof.Ass.Dr. Xhevahir Bajrami profesor në këtë fakultet. Në takim është biseduar për format e bashkëpunimit të ndërsjellë në mes të  FH Technikum Wien në Vjenë dhe UPZ-së, me theks të veçantë në mundësitë e  mobilitetit të profesorëve dhe mundësisë që studentet tanë të vazhdojnë studimet në nivelin Master, apo edhe përmes programit ERASMUS, për një apo dy semestra në nivelin Bachelor në këtë Universitet. Duke ditur se ky Universitet prestigjioz në Vjenë është shumë i njohur në Teknologji , është kërkuar nga UPZ që Technikum Vjene të ndihmoj në krijimin e laboratorëve teknologjik gjë që u pranua me dëshirë nga ana e tyre. Gjithashtu treguan një gatishmëri të madhe që studentët tanë të mund të vijojnë pjesën praktike sidomos në semestrin e pestë dhe të gjashtë të studimeve Bachelor në laboratorët e këtij Universiteti. Gjithashtu në takim është treguar gatishmëri e FH Technikum Wien që mësimdhënësit e tyre të mbajnë ligjërata në UPZ si dhe anasjelltas që Profesorët e UPZ të mbajnë ligjërata në këtë Universitet si mësimdhënës mysafir. Duke pasur parasysh se programi TIT në Fakultetin e Shkencave Kompjuterike në UPZ është shumë i përafërt me programet ekzistuese të Technikum u ra dakord që studentët tanë janë të mirëpritur për të bërë vazhdimin e studimeve Master në drejtimet e tyre përkatëse. Vizita në këtë universitet prestigjioz të Austrisë ishte shumë e suksesshme dhe së shpejti do të formalizohet nënshkrimi i marrëveshjes së bashkëpunimit në mes të dy universiteteve."

Rektori Vataj ka vizituar Universitetin e Shkencave të Aplikuara – Technikum në Vjenë

Rektori Vataj ka vizituar Universitetin e Shkencave të Aplikuara – Technikum në Vjenë

Në ditën e dytë të vizitës në Austri, me 31.03.2015 :Rektori i UPZ-së, Prof. Dr. Ramë Vataj ka vizituar Universitetin e Shkencave të Aplikuara – Technikum-Vjenë, ku është takuar me Prof. DI Dr. Christian Kollmitzer, Prorektor dhe Udhëheqës i Departamentit për Electronic Engineering, prof. DI Dr. Thomas Sommer, Udhëheqës i Departamentit të Masterit për „Telekommunikation und Internettechnologien” dhe Mag. Dr. Sandra Allmayer, MA, Udhëheqëse e Marrëdhënieve Ndërkombëtare. Ndërsa pjesë e delegacionit nga UPZ ishte edhe Prof.Ass.Dr. Artan Dermaku - Dekan në FSHK dhe Prof.Ass.Dr. Xhevahir Bajrami profesor në këtë fakultet.