Ngjarje

Universiteti "UKSHIN HOTI" Prizren

Adresa: Rruga e Shkronjave, nr. 1 20000 Prizren, Republika e Kosovës

Tel: 029 232-140
Email: rektorati@uni-prizren.com (Rektorati)

U.d. Rektori Temaj priti në takim Ambasadorin e Austrisë, Gernot Pfandler

11 Mars 2019

 

Ambasadori i Austrisë Gernot Pfandler: “Është e pa imagjinueshme që të mos ketë degë të gjuhës gjermane në UPZ”

Prof. Asoc. Dr. Ismet Temaj, u.d. Rektor në Universitetin “ Ukshin Hoti” në Prizren, të hënën ka pritur në takim Ambasadorin e Austrisë në Prishtinë, Gernot Pfandler.

u.d. Rektori Temaj me këtë rast tha se është nder dhe kënaqësi që pret në takim ambasadorin e një shteti që ka mbështet Kosovën në shumë procese të rëndësishme dhe ka dhënë mbështetje të madhe për themelimin dhe zhvillimin UPZ-së në përgjithësi, në veçanti degën e gjuhës gjermane. U.d Rektori Temaj e falënderoi ambasadorin për sjelljen e profesorëve nga Austria dhe për dhurimin e një fondi të madh me libra në UPZ. Temaj u zotua se bashkëpunimi me ambasadën austriake do të vazhdoj dhe do të zgjerohet. Ai shtoi se janë duke bërë përpjekje maksimale për riakreditimin e degës së gjuhës gjermane.

Ambasadori Pfandler pasi e falënderoi u.d. Rektorin Temaj për detyrën e re, theksoi se bashkëpunimi mes UPZ-së dhe Ambasadës së Austrisë në Prishtinë është më i madhi pas Universitetit të Prishtinës. Ai theksoi se këtë universitet e kanë mbështetur në vazhdimësi në mënyra të ndryshme ndërsa kanë besim se do të vazhdoj bashkëpunimi edhe në të ardhmen. Ndërsa e veçoi hapjen zyrës së OEAD-së në UPZ, sjelljen e profesorëve nga Austria për ligjërata dhe sjelljen e një fondi të konsiderueshme të librave, për realizimin e të cilave ai e falënderoi menaxhmentin e UPZ-së.

Në kontekst të riakreditimit të degës së gjuhës gjermane në UPZ, Ambasadori i Austrisë tha se nuk mund të paramendojmë që në UPZ nuk do të vazhdojë dega e Gjuhës gjermane duke marr për bazë investimet që janë bërë dhe planet për të ardhmen, duke pasur po ashtu në konsideratë numrin e madh të studentëve që janë duke studiuar por edhe ata që dëshirojnë të studiojnë në të ardhmen. Edhe pse Ambasadori Pfandler theksoi se ata nuk interferojnë në institucione të pavarura siç është Agjencioni për Akreditim, për pavarësinë e së cilit edhe ata janë kujdesur. Mirëpo ai shtoi se nga takimet që ka pasur me dekanin, rektorin dhe mësimdhënës të këtij fakulteti ka vërejtur se ekzistojnë mundësi për plotësimin e kërkesave dhe për riakreditim, që shpreson që do të ndodhë. “Është e pa imagjinueshme që të mos ketë degë të gjuhës gjermane në UPZ”, nënvizoi ai.

Në takim ishin edhe dekani i Fakultetit të Filologjisë, Prof. Asoc. Dr. Shkëlqim Millaku, U.d. Prorektorët Prof. Ass. Shemsi Morina dhe Prof. Asoc. Dr. Arif Rizaj, shefi i Degës së Gjuhës Gjermane Prof. Ass. Dr. Ilir Krusha dhe bashkëpunëtorë të tjerë.

U.d. Prorektori për Financa, Buxhet dhe Infrastrukturë në UPZ, Prof. Asoc. Dr. Arif Rizaj theksoi se mbështetjen e parë dhe me të rëndësishme për ndërkombëtarizimin e arsimit të Kosovës e ka dhënë shteti austriak dhe për këtë ju jemi mirënjohës.

Prof. Asco. Dr. Shkëlqim Millaku, dekan në Fakultetin e Filologjisë, theksoi se kontributin që e ka dhënë Gjermania dhe Austria për shtetin e Kosovës dhe për UPZ-në u jemi mirënjohës përjetësisht dhe u kemi shumë borxh. Ai shtoi se janë duke punuar me të gjithë aktorët që të shpëtojnë degën e gjuhës gjermane në UPZ. Ai theksoi se duhet t’i plotësojmë kriteret që i ka përcaktuar Agjencioni i Akreditimit, për të cilën gjë janë duke punuar dhe kërkoi edhe mbështetjen diplomatiken në këtë kuadër.

 

<< prapa

Universiteti

UPZ është Universiteti i dytë publik në Kosovë. Në vitin 2010 numri i studentëve ishte afër 1700, ndërsa tani, në vitin 2018, numri i studentëve...

Lexo më shumë

Rekomandimet

" Në kuadër të “Javës së të drejtave të njeriut” në Universitetin “Ukshin Hoti” në Prizren, të hënën është mbajtur Tryezë e rrumbullakët për prezantimin e Hartëzimit të Nevojave të Komunitetit për Drejtës. Panelist ishin: Prof. Dr. Kadri Kryeziu, Dekan në Fakultetin Juridik në UPZ, Fidan Çerkini zv.drejtor i programit, znj. Florda Mujollar, zyrtare ligjore në Agjencinë për Ndihmë Juridike Falas, Prizren, Rinor Nuhiu, Zyrtar për Komunikim, Aktiviteti i USAID Drejtësia Vlen. Në fund pati diskutim në mes të panelistëve dhe pjesëmarrësve mbi të gjeturat dhe rekomandimet e raportit: Hartëzimi i nevojave të Komuniteteve për Drejtësi. "

Tryezë e rrumbullakët për prezantimin e Hartëzimit të Nevojave të Komunitetit për Drejtësi

Tryezë e rrumbullakët për prezantimin e Hartëzimit të Nevojave të Komunitetit për Drejtësi

Në kuadër të “Javës së të drejtave të njeriut” në Universitetin “Ukshin Hoti” në Prizren, të hënën është mbajtur Tryezë e rrumbullakët për prezantimin e Hartëzimit të Nevojave të Komunitetit për Drejtës. Panelist ishin: Prof. Dr. Kadri Kryeziu, Dekan në Fakultetin Juridik në UPZ, Fidan Çerkini zv.drejtor i programit, znj. Florda Mujollar, zyrtare ligjore në Agjencinë për Ndihmë Juridike Falas