Mbahet ceremonia përmbyllëse e Projektit “Mentorimi për ndryshimet klimatike" për studentët e Universitetit "Ukshin Hoti" në Prizren
Në Universitetin “Ukshin Hoti” Prizren, të enjten është mbajtur ceremonia përmbyllëse e Projektit “Mentorimi për ndryshimet klimatike” për studentët e Universitetit “Ukshin Hoti” në Prizren. Ceremonia është bashkëorganizuar me Programin për Zhvillim të Kombeve të Bashkuara (UNDP) në Kosovë, me financim nga Agjencia Austriake për Zhvillim (ADA) në Kosovë me fondet e Bashkëpunimit Austriak për Zhvillim (ADC).
Në këtë ceremoni kanë marr pjesë Prof. Asoc. Dr. Mentor Alishani, Rektor i Universitetit “Ukshin Hoti” në Prizren, Nuno Queiros, Përfaqësues Rezident, UNDP Kosovo Znj. Clarissa Castak, Zv. Shefe e Misionit, Ambasada Austriake ne Prishtine Z. Shaqir Totaj, Kryetar i Komunës së Prizrenit.
Sipas agjendës, është bërë prezentimi i shkurtër i Programit të Mentorimit, Prezentim i rezultateve të Programit të Mentorimit nga Prof. Asoc. Dr. Albana Plakiqi-Milaimi dhe Prof. Asoc. Dr. Faruk Bojaxhi, Menaxher i Programit të Mentorimit dhe në fund, Rektori Alishani dhe partnerët e projektit, kanë bërë ndarjen e certifikatave për studentët.