Prof. Asoc. Dr. Ismet Temaj, Rektor në Universitetin “Ukshin Hoti” në Prizren i shoqëruar nga anëtari i KD Prof. Asoc. Dr. Rifat Morina dhe koordinatori i sigurimit të cilësisë në UPZ, Jasmin Jusufi po marrin pjesë në Forumin Evropian të Sigurimit të Cilësisë (EQAF) në Berlin, Gjermani. Ky forum ofron një platformë për diskutim, zhvillim profesional dhe shkëmbim të përvojave midis palëve kryesore të interesit në sigurimin e cilësisë (QA). Në mënyrë të veçantë, Forumi do të jetë me interes për rektorët, prorektorët , zyrtarët e kyçur në sigurimin e cilësisë si dhe studiuesit që punojnë në arsimin e lartë ose fushën e sigurimit të cilësisë.

Rektori Temaj theksoi se pjesëmarrja e përfaqësuese të UPZ në punimet e këtij forumi evropian të cilësisë, është shumë e rëndësishme pasi që UPZ ndodhet në një fazë shumë të rëndësishme të zhvillimit, duke i dhënë prioritet vendosjes së një sistemi të qëndrueshëm të sigurimit të cilësisë duke u bazuar në përvojat më të mira evropiane.