Këshilli Drejtues i Universitetit të Prizrenit në mbledhjen e mbajtur më 4 maj, ka miratuar listën përfundimtare të studentëve përfitues të bursave, si dhe shumën e bursës në vlerë prej 500 euro për secilin student.

Ky vendim vjen pas përmbylljes së procesit të vlerësimit, i cili është zhvilluar në përputhje me kriteret e përcaktuara me rregullore.

Përzgjedhja e përfituesve është realizuar në mënyrë transparente dhe meritore, duke përfshirë edhe fazën e shqyrtimit të ankesave të paraqitura nga kandidatët.

Ndarja e bursave synon të mbështesë studentët në përballimin e shpenzimeve të studimit, si dhe të nxisë përkushtimin dhe arritjet e tyre akademike.

Universiteti mbetet i përkushtuar që përmes politikave të tilla të kontribuojë në përmirësimin e kushteve të studimit dhe rritjen e cilësisë në arsimin e lartë.

Ekzekutimi i mjeteve financiare pritet të realizohet gjatë muajit maj, në përputhje me procedurat administrative dhe financiare në fuqi.