Bashkëpunimet aktuale ndërkombëtare/kombëtare

Zyra për Marrëdhënie me Jashtë ka si objektiv implementimin e politikës bashkëpunuese të UPZ -së me universitetet e huaja. Bashkëpunimi ndërmjet universiteteve në rajonin evropian por edhe më gjerë është një domosdoshmëri e epokës në të cilën jetojmë dhe një prioritet i të gjitha institucioneve të arsimit të lartë. Si rrjedhojë zyra për marrëdhënie me jashtë synon forcimin e bashkëpunimit dhe shkëmbimit të eksperiencave në nivel studentësh, stafi akademik dhe programesh studimi ndërmjet Universiteteve vendore dhe universiteteve të huaja.

Zyra për Marrëdhënie me Jashtë ofron shërbime lidhur me projekte për personelin akademik dhe studentët e UPZ-s, duke ndihmuar në gjetjen e fondeve, dhënien e informatave për grante të ndryshme, projekte, organizimin e trajnimeve të ndryshme etj. si dhe funksionon gjithashtu në ndihmë dhe në shërbim të studentëve dhe stafit akademik të UPz-së, lidhur me lëvizjen e tyre në vende të tjera në kuadrin e programeve të ndryshme akademike ndërkombëtare.