Senati i Universitetit “Ukshin Hoti” në Prizren, në mbledhjen e mbajtur më 23.09.2024 mori vendim që të shpallë:

 

KONKURS

PËR PRANIMIN E STUDENTËVE NË VITIN E PARË TË STUDIMEVE MASTER, PËR VITIN AKADEMIK 2024/2025

Senati i Universitetit “Ukshin Hoti” Prizren, në bazë të kompetencave të përcaktuara sipas dispozitave të Statutit ‘’Ukshin Hoti’’Prizren, në mbledhjen e mbajtur më 23.09.2024 ka miratuar propozimet e njësive akademike për numrin e studentëve që do të pranohen në vitin akademik 2024/25, dhe ka miratuar kushtet dhe kriteret për regjistrim në studimet themelore – master. Propozimet e numrit të studentëve pas miratimit nga Senati, gjithashtu janë aprovuar nga Ministria e Arsimit, Shkencës, Teknologjisë dhe Inovacionit (MASHTI).

I. KUSHTET E PËRGJITHSHME

1. Universiteti “Ukshin Hoti” në Prizren, në studimet postdiplomike – master për vitin akademik 2024/2025 do të regjistrojë 250 studentë.
2. Nga numri i përgjithshëm i përmendur më lart, duke u bazuar në UA nr. 09/2016 të MASHTI-it, Universiteti “Ukshin Hoti” Prizren (UUHP) do të regjistrojë deri në 12%  përkatësisht deri 29 studentë të rregullt nga komunitetet jo-shumicë. Kuota prej  12%  të vendeve të rezervuara për regjistrim të studentëve nga komuniteti jo-shumicë do të shpërndahet në mënyrë proporcionale sipas përqindjes së numrit të përgjithshëm të studentëve për secilin program të fakulteteve veç e veç.
3. Në studimet postdiplomike-master në Universitetin‘’Ukshin Hoti’’në Prizren, mund të konkurrojnë kandidatët të cilët kanë përfunduar studimet Baçelor apo studimet themelore para hyrjes në fuqi të Deklaratës së Bolonjës në të gjitha Institucionet e akredituara të Arsimit të Lartë në Kosovë. Në kushte të barabarta, përparësi pranimi do të kenë kandidatët të cilët i kanë mbaruar studimet themelore-Baçelor në Universitetin’’Ukshin Hoti’’në Prizren.
4. Të drejtë konkurrimi kanë gjithashtu edhe kandidatët të cilët studimet themelore i kanë përfunduar jashtë Kosovës. Në raste të tilla kandidati duhet të sjellë vendimin mbi nostrifikimin e diplomës (vendimi për njohje/nostrifikim të diplomave lëshohet nga MASHTI).
5. Kandidatët të cilët kanë përfunduar studimet paraprake në një program studimi, mund të konkurrojnë për regjistrim në studimet master në një program tjetër. Në rast pranimi, Komisioni i Studimeve të njësisë akademike mund të caktojë provime diferenciale të cilave duhet t’iu nënshtrohen paraprakisht kandidatët. Komisioni i Studimeve cakton numrin e provimeve varësisht nga shkalla e krahasueshmërisë /ngjashmërisë së programit me studimet themelore të kandidatit. Kandidatët do të kenë më së shumti deri në pesë provime diferenciale të cilave do t’iu nënshtrohen para komisionit prej tre anëtarësh ndërsa procesverbalet e provimeve të tilla ratifikohen nga këshilli i njësisë akademike përkatëse.
6. Kandidatët të cilët kanë të regjistruar një program studimi në cilindo nivel të studimit në kuadër të Universitetit, nuk kanë të drejtë konkurrimi në një program tjetër studimi në Universitetin ”Ukshin Hoti” Prizren, pa i përfunduar studimet në programin ku janë duke vijuar studimet ose pa u çregjistruar nga programi aktual i studimeve. Kandidatët për pranim si studentë të UUHP-së në vitin akademik 2024/25 nuk mund të konkurrojnë më shumë se në një fakultet, drejtim apo program.
7. Universiteti ‘’Ukshin Hoti’’ Prizren, mbi bazën e konsideratave humane, kandidatëve me nevoja të veçanta, me rastin e provimit pranues do t’ua shtojë nga 5 pikë bonus. Statusi i kandidatëve me nevoja të veçanta duhet të dëshmohet me certifikata përkatëse, të lëshuar nga institucionet gjegjëse.

II. MËNYRA E PËRZGJEDHJES SË KANDIDATËVE

 

1. Përzgjedhja e kandidatëve për të gjitha fakultetet do të bëhet sipas kritereve në vijim:

Numri maksimal i pikëve sipas kritereve vijuese është 100 pikë, dhe atë:

-Suksesi në studimet themelore deri në 30 % të pikëve;

-Suksesi në provim pranues deri në 70 % të pikëve;

 

2. Të drejtë radhitjeje, përkatësisht pranimi kanë vetëm kandidatët që arrijnë 40% nga numri i pikëve të parapara për provim pranues.
3. Kandidatët të cilët nuk arrijnë 40% nga numri i pikëve të parapara për provim pranues nuk mund të pranohen edhe nëse mbeten vende të paplotësuar sipas konkursit.
4. Nëse numri i pikëve të disa kandidatë të ranguar si të fundit në listën e të pranuarve është i barabartë me kandidatë tjerë jashtë numrit të planifikuar për pranim, përzgjedhja e kandidatëve do të bëhet në bazë të suksesit të provimit pranues, e nëse edhe pikët e provimit pranues janë të njëjta atëherë do të merret parasysh suksesi i studimeve themelore. Në qoftë se edhe suksesi është i njëjtë atëherë përparësi do të kenë kandidatët e gjinisë femërore. Fakultetet janë të obliguara që listën e kandidatëve, të cilët kanë konkurruar, t’ia dërgojnë Rektoratit të Universitetit dhe ta publikojnë në ueb-faqen zyrtare.
5. Njësitë akademike fillimisht shpallin rezultatet preliminare, në bazë të të cilave rezultatet e kandidatëve që nuk janë pranuar fitojnë të drejtën e ankesës dhe vetëm pas shqyrtimit të ankesave dalin listat përfundimtare të cilat në asnjë rast nuk duhet të tejkalojnë numrin total të vendeve të shpallura në konkurs. Kandidatët që gjenden në fund të listës së të pranuarve sipas rezultateve preliminare nuk e kanë të garantuar vendin deri në përfundim të afatit të ankesave.

                                          

     III. AFATET E KONKURSIT

 

1. Aplikimi dhe paraqitja e dokumenteve bëhet prej datës  25.9.2024  deri më datë 9.10.2024  nga ora 09:00 deri 15:00 (çdo ditë përjashtuar të dielën) ditën e fundit aplikacionet pranohen deri në ora 16:00.

2. Për aplikim kandidatët duhet t’i sjellin këto dokumente:

 

–Fletëaplikacioni i plotësuar i cili shkarkohet gjatë aplikimit online nga interneti; linku për aplikim:  smu.uni-prizren.com

-Ekstraktin e lindjes (origjinale).

-Diplomën origjinale, kopje të notirezuar, përkatësisht certifikatën e diplomimit origjinale ose të noterizuar.

-Pasqyrën e notave në studimet themelore, (përjashtuar kandidatët që studimet baçelor i kanë kryer në UUHP).

-Për kandidatët të cilët studimet themelore i kanë përfunduar jashtë Kosovës duhet të kenë edhe vendimin për njohjen e diplomës nga MASHTI.

-Dëshmia e akreditimit të Institucionit të Arsimit të Lartë për kandidatët që kanë mbaruar studimet jashtë vendit dhe në kolegjet private në Republikën e Kosovës.

-Kandidatët me rastin e aplikimit, bazuar në UA 09/2021 lirohen nga pagesa e provimit pranues.

-(Ju lutemi që gjatë aplikimit plotësoni saktësisht të dhënat personale dhe informatat tjera sepse me këto informata do të kontaktojë Universiteti me studentët sidomos me email-adresa ku ju do të njoftoheni për çdo aktivitet të Universitetit në relacionin Aplikues-Student-Universitet)

 

8. Provimi pranues do të mbahet më datë 11.10.2024

 

-Fakulteti Ekonomik- Administrim Biznesi—————————————————————————————-11.10.2024 ora 09:00

-Fakulteti i Shkencave Kompjuterike- Shkenca Kompjuterike dhe Teknologji Komunikimi———–11.10.2024 ora 09:00

-Fakulteti i Shkencave të Jetës dhe Mjedisit- Menaxhimi në Agrobiznes————————————–11.10.2024 ora 09:00

-Fakulteti Juridik-Qeverisje Demokratike dhe Sundimi i Ligjit———————————————————–11.10.2024 ora 09:00

-Fakulteti i Edukimit- Shkencat e Edukimit, specializimi Mësimdhënie-Programi-gjuhë shqipe—–11.10.2024 ora 09:00

-Fakulteti i Edukimit- Shkencat e Edukimit, specializimi Mësimdhënie-Programi-gjuhë turke———11.10.2024 ora 09:00

-Fakulteti i Edukimit- Shkencat e Edukimit, specializimi Mësimdhënie-Programi-gjuhë boshnjake-11.10.2024 ora 09:00

 

Të gjithë kandidatët në provim pranues duhet ta posedojnë njërin nga dokumente identifikuese: letërnjoftim, pasaportë apo patentë shoferin, pa njërën nga të cilën nuk mund t’i nënshtrohen provimit pranues.

 

Në kohën e mbajtjes së provimit pranues ndalohet përdorimi i telefonave celularë!

 

9. Shpallja e rezultateve preliminare do të bëhet më datë 11.10.2024 në ora 16:00 në faqen zyrtare të Universitetit.

 

10. Afati për ankesa është deri më datë 15.10.2024  ora 23:59 ndërsa ankesa parashtrohet online smu.uni-prizren.com,  dhe shqyrtimi i tyre do të bëhet më datë 16.10.2024 në ora 9:00 kandidatët duhet të jenë të pranishëm në shqyrtimin e ankesës.

 

11. Ndërsa shpallja e rezultateve përfundimtare do të bëhet më së largu më datë 16.10.2024 deri në ora 16:00.

 

IV. REGJISTRIMI I KANDIDATËVE TË PRANUAR PAS SHPALLES SË REZULTATEVE

Fotografimi dhe regjistrimi i studentëve të pranuar:

 

• Fakulteti Ekonomik-Administrim Biznesi: 17.10.2024 – 23.10.2024 prej orës 09:00-15:00
• FSHK-Shkenca Kompjuterike dhe Teknologji Komunikimi:  17.10.2024 – 23.10.2024 prej orës 09:00-15:00
• FSHJM-Fakulteti i Shkencave të Jetës dhe Mjedisit–Menaxhim në Agrobiznes: 17.10.2024 – 23.10.2024 prej orës 09:00-15:00
• Fakulteti Juridik- Qeverisje Demokratike dhe Sundim i Ligjit: 17.10.2024 – 23.10.2024 prej orës 09:00-15:00
• Fakulteti i Edukimit- Shkencat e Edukimit, specializimi Mësimdhënie-Programi-gjuhë shqipe: 17.10.2024 – 23.10.2024 prej orës 09:00-15:00
• Fakulteti i Edukimit- Shkencat e Edukimit, specializimi Mësimdhënie-Programi-gjuhë turke: 17.10.2024 – 23.10.2024 prej orës 09:00-15:00
• Fakulteti i Edukimit- Shkencat e Edukimit, specializimi Mësimdhënie-Programi-gjuhë boshnj: 17.10.2024 – 23.10.2024 prej orës 09:00-15:00

 

Kandidatët e pranuar për regjistrim duhet të paraqesin:

-Fletëregjistrimi i plotësuar merret me rastin e fotografimit.

-Një fotografi formati 6×4.

Bazuar në UA 09/2021, kandidatët e pranuar lirohen nga pagesa për regjistrim të semestrave për herën e parë.

 

Luteni që t’i përmbaheni afatit të lartshënuar, në rast të lëshimit të këtyre afateve përgjegjësia bie mbi kandidatin për mosrespektim të tij. Kandidatët të cilët nuk arrijnë të regjistrohen (fotografohen) sipas datave të shënuara do ta humbin mundësinë e regjistrimit, andaj ju lutemi që t’i përmbaheni afateve të caktuara.

 

1. Numri i studentëve për nivelin Master të cilët do të pranohen në Universitetin “Ukshin Hoti” në Prizren – sipas programeve është si në tabelën:

 

Njësia Akademike	Programi	Kodi	Për studime të rregullta	Kandidatë nga komunitetet jo shumicë UA 09/2016 12%	Gjithsej
FAKULTETI I EKONOMIK	Administrim Biznesi	01	70	10	80
FAKULTETI I SHKENCAVE TË JETËS DHE MJEDISIT	Menaxhimi në Agrobiznes	32	13	2	15
FAKULTETI I SHKENCAVE KOMPJUTERIKE	Shkencat Kompjuterike dhe Teknologji Komunikimi	27	40	5	45
FAKULTETI JURIDIK	Qeverisje Demokratike dhe Sundimi i Ligjit	33	35	5	40
FAKULTETI I EDUKIMIT     FAKULTETI I EDUKIMIT	Shkencat e Edukimit, specializimi Mësimdhënie dhe Kurrikulë- Programi- Gj. Shqipe	16	27	3	30
	Shkencat e Edukimit, specializimi Mësimdhënie dhe Kurrikulë-Programi- Gj. Turke	17	18	2	20
	Shkencat e Edukimit, specializimi Mësimdhënie dhe Kurrikulë- Programi- Gj. Boshnjake	18	18	2	20

 

 

V. KUSHTET E VEÇANTA PËR APLIKIM SIPAS FAKULTETEVE

 

1. Administrim Biznesi :

 

Kandidatët të cilët dëshirojnë të aplikojnë në këtë program studimi, duhet të kenë të përfunduar studimet e nivelit themelor në njërin nga këto fakultete- programe:

-Fakultetin Ekonomik,

-Fakultetin e Juridikut,

-Fakultetin e Shkencave Politike,

-Fakultetin e Agrobiznesit.

 

2. Shkenca Kompjuterike dhe Teknologji Komunikimi:

 

Kandidatët të cilët dëshirojnë të aplikojnë në këtë program studimi, duhet të kenë të përfunduar studimet e nivelit themelor në njërin nga këto drejtime:

 

– Shkenca Kompjuterike,

– Telekomunikacion,

– Mekatronikë,

– Elektronikë,

– Informatikë Ekonomike,

– Matematikë Kompjuterike

– Matematikë- Informatikë, Teknologji-Informatikë.

 

3. Menaxhimi në Agrobiznes:

 

Kandidatët të cilët dëshirojnë të aplikojnë në këtë program studimi, duhet të kenë të përfunduar studimet e nivelit themelor në njërin nga këto fakultete-programe:

-Agrobiznes,

-Ekonomiksi,

-Zhvillim Rural,

-Agronomi

-Juridik (E Drejta Biznesore dhe e Drejta Financiare)

 

4. Qeverisje Demokratike dhe Sundimi i Ligjit:

 

Kandidatët të cilët dëshirojnë të aplikojnë në këtë program studimi, duhet të kenë të përfunduar studimet e nivelit themelor në njërin nga këto fakultete-programe:

 

-Të diplomuarit në fushën e Drejtësisë

– Shkencat politike

– Administrat publike

– Shkencat Sociale

 

5. Shkencat e Edukimit, specializimi Mësimdhënie dhe Kurrikulë – programi në gjuhë shqipe:

 

Fushat e të drejtës së aplikimit:

Kandidatët që kanë mbaruar studimet BA me së paku 180 ECTS në Fakultetin e Edukimit si dhe programet tjera arsimore të Universiteteve publike të Republikës së Kosovës, dhe programet tjera arsimore të fituara jashtë Republikës së Kosovës të njohura/barasvlershme nga Qendra e NARIC-ut në Kosovë.

 

6. Shkencat e Edukimit, specializimi Mësimdhënie dhe Kurrikulë – programi në gjuhë turke:

 

Fushat e të drejtës së aplikimit:

Kandidatët që kanë mbaruar studimet BA me së paku 180 ECTS në Fakultetin e Edukimit si dhe programet tjera arsimore të Universiteteve publike të Republikës së Kosovës, dhe programet tjera arsimore të fituara jashtë Republikës së Kosovës të njohura/barasvlershme nga Qendra e NARIC-ut në Kosovë.

 

7. Shkencat e Edukimit, specializimi Mësimdhënie dhe Kurrikulë – programi në gjuhë boshnjake:

Fushat e të drejtës së aplikimit:

Kandidatët që kanë mbaruar studimet BA me së paku 180 ECTS në Fakultetin e Edukimit si dhe programet tjera arsimore të Universiteteve publike të Republikës së Kosovës, dhe programet tjera arsimore të fituara jashtë Republikës së Kosovës të njohura/barasvlershme nga Qendra e NARIC-ut në Kosovë.

 

PROVIMI PRANUES DO TË MBAHET NGA LËNDËT SI NË VIJIM:

FAKULTETI  EKONOMIK- Administrim Biznesi

• Makroekonomi;
• Mikroekonomi;
• Bazat e Menaxhimit;
• Financat e Korporatave;
• Marketing;
• Menaxhimi i Burimeve Njerëzore;
• Biznesi Ndërkombëtar;

 

FAKULTETI I SHKENCAVE KOMPJUTERIKE- Shkencat Kompjuterike dhe Teknologji Komunikimi

• Arkitektura Kompjuterike dhe Sistemi Operativ
• Rrjetat Kompjuterike
• Bazat e të Dhënave
• Logjika dhe Matematika
• Algoritmet dhe Programimi

 

FAKULTETI I SHKENCAVE TË JETËS DHE MJEDISIT- Menaxhimi në Agrobiznes

• Ekonomik
• Menaxhimi i Fermave
• Marketing Agroushqimor
• Biznes Ndërkombëtar
• Politikat Bujqësore

 

FAKULETI JURIDIK- Qeverisje Demokratike dhe Sundimi i Ligjit

• Fusha Penale
• Administrata Publike
• Sundimi i Ligjit

 

FAKULTETI I EDUKIMIT- Shkencat e Edukimit, specializimi Mësimdhënie dhe Kurrikulë- programi në gjuhë shqipe

• Fusha e mësimdhënies/kurrikulës
• Fusha e pedagogjisë
• Gjuhë Angleze

 

FAKULTETI I EDUKIMIT- Shkencat e Edukimit, specializimi Mësimdhënie dhe Kurrikulë- programi në gjuhë turke

• Fusha e mësimdhënies/kurrikulës
• Fusha e pedagogjisë
• Gjuhë Angleze

 

FAKULTETI I EDUKIMIT- Shkencat e Edukimit, specializimi Mësimdhënie dhe Kurrikulë- programi në gjuhë boshnjake

• Fusha e mësimdhënies/kurrikulës
• Fusha e pedagogjisë
• Gjuhë Angleze

 

 

 

 

Prof. Asoc. Dr. Mentor Alishani

_____________________________

Kryesues i Senatit