Me mbështetje të projektit ‘‘Strengthening Research and Development through the Effective Functionalization of the Center for Research, Innovation, and Knowledge Transfer (CRIKT) at the University ‘‘Ukshin Hoti’’ Prizren (UUHP),’’ më datë 13.6.2024 është bërë përurimi i zyrës në ITP (Innovation Training Park).

Të pranishëm në këtë ceremoni ishin menaxhmenti i UUHP-së, Rektori, Prof.asoc.dr. Mentor Alishani, përfaqësuesit e KUSA, z. Fisnik Ahmeti dhe znj. Greta Imeri, zyra e projekteve, Parlamenti Studentor dhe ekipi i këtij projekti.

Rektori falënderoi Ambasadën Amerikane në Kosovë dhe KUSA-n për mbështetjën e Universitetit ‘‘Ukshin Hoti’’ Prizren në ngritjen e kapaciteteve të zyrës. Gjithashtu, koordinatorja e këtij projekti, Dr. Dorinë Rakaj, paraqiti aktivitetet të cilat janë zhvilluar deri më tani në kuadër të projektit dhe hapat tjerë që do të ndërmirren në funksionalizimin e plotë të zyrës.

‘‘Ky projekt u financua përmes grantit të Ambasadës Amerikane në Prishtinë. Mendimet, përfundimet dhe konkludimet apo rekomandimet e shprehura këtu janë të Autorit(ëve) dhe jo medoemos pasqyrojnë qëndrimet e Departamentit të Shtetit.’’