Në një ceremoni të zhvilluar në Ankara, është nënshkruar Protokolli i Bashkëpunimit Akademik ndërmjet Universitetit “Ukshin Hoti” Prizren dhe Universitetit të Ankarasë.
Kjo marrëveshje synon të forcojë bashkëpunimin ndëruniversitar në fusha të ndryshme akademike dhe kërkimore.

Protokolli u nënshkrua nga Prof. Dr. Hatice Bakkaloğlu, Prorektore e Universitetit të Ankarasë, dhe Assoc. Prof. Dr. Serdan Kervan, Prorektore e Universitetit “Ukshin Hoti” Prizren.

Marrëveshja parashikon bashkëpunim në fusha si:

• shkëmbimi i stafit akademik dhe studentëve,
• zhvillimi i projekteve të përbashkëta kërkimore,
• organizimi i konferencave dhe takimeve shkencore,
• shkëmbimi i botimeve akademike dhe materialeve studimore.

Ky bashkëpunim shënon një hap të rëndësishëm drejt zgjerimit të partneriteteve ndërkombëtare të Universitetit “Ukshin Hoti” Prizren dhe kontribuon në ngritjen e cilësisë së arsimit të lartë dhe kërkimit shkencor.