Prof. Dr. Bahri Musabelliu ish- Rektor i UBT-së, mbajti ligjëratë në U. “Ukshin Hoti” Prizren
Prof. Dr. Bahri Musabelliu ish-Rektor i Universitetit Bujqësor të Tiranës të premten ka mbajtur ligjëratë në Universitetin “Ukshin Hoti” Prizren, për studentët e Fakultetit të Shkencave të Jetës dhe Mjedisit dhe të Fakultetit të Ekonomisë. Paraprakisht ai u takua me Prof. Asoc.Dr. Samedin Krrabaj u.d. Rektor i Universitetit, i cili e falënderoi për mbështetjen që ka treguar për këtë Universitet sa ishte rektor në UBT. Në shenjë falënderimi Rektori Krrabaj i ndau mirënjohje profesor Musabelliut. Ndërkaq, Profesori me përvojë shumë vjeçare mbajti ligjëratën me temë: “Strategjitë e Integrimit Horizontal dhe Vertikal në Mirëmenaxhimin e Ndërmarrjeve të Agrobiznesit”.
Ai theksoi se kur viziton Kosovën, posaçërisht Prizrenin, ndien emocion të veçantë ngase ky vend ka një histori të rëndësishme për kombin shqiptar.