Sot, më 4 dhjetor 2025, në kampusin e Universitetit “Ukshin Hoti”Prizren, u organizua sesioni informues rreth mundësive të programit Erasmus+ me pjesëmarrjen e stafit dhe studentëve.

Sipas agjendës, sesioni filloi me regjistrimin e pjesëmarrësve dhe fjalët hyrëse nga Z. Përparim Avdullahu – U.D. Drejtor i Departamenti për Bashkëpunim Ndërkombëtar në Universiteti “Ukshin Hoti” dhe Znj. Mimika Dobroshi – Koordinatore, Zyra Erasmus+ e Kosovës.

Gjatë sesionit u prezantuan veprimet kryesore të programit, përfshirë:

• Mobiliteti ndërkombëtar i kredive (International Credit Mobility)
• Mobiliteti i diplomës (Erasmus Mundus)
• Ndërtimi i kapaciteteve në arsimin e lartë (CBHE) dhe VET (CBVET)
• Programet Jean Monnet dhe shkëmbimet virtuale

Bashkë me menaxheren e projekteve znj. Blerinë Zjaça, u ndanë përvoja suksesi të përfituesve dhe u diskutua për mënyrat e fuqizimit të mobilitetit, bashkëpunimit dhe pjesëmarrjes në thirrjet e ardhshme.
Sesioni u përmbyll me hapat e radhës, përmbledhjen e diskutimeve, prezantimin e mundësive të reja dhe rrjetëzimin mes pjesëmarrësve.

Universiteti i Prizrenit thekson përkushtimin për rritjen e mobilitetit ndërkombëtar dhe forcimin e bashkëpunimeve akademike brenda kornizës së programeve evropiane.