Universiteti “Ukshin Hoti” Prizren organizoi me sukses Konferencën e 4-të Ndërkombëtare Shkencore “BRIDGE 2025 – The Future of Science: Challenges and Opportunities”, e mbajtur më 21–22 nëntor 2025, në Prizren.

Pjesëmarrje e gjerë dhe ndërkombëtare

Këtë vit, konferenca shënoi një rritje të rëndësishme të interesimit akademik me:

• 395 autorë
• 175 abstrakte
• 181 aplikime

Përfaqësimi ndërkombëtar përfshiu kontribut nga 11 shtete:
Kosova, Türkiye, North Macedonia, Albania, Mongolia, Greece, India, Azerbaijan, USA, Slovenia, Austria.

Pjesëmarrja nga fakultetet e Universitetit “Ukshin Hoti” Prizren:

• Fakulteti i Edukimit – 60 aplikime
• Fakulteti i Ekonomisë – 43 aplikime
• Fakulteti i Filologjisë – 23 aplikime
• Fakulteti i Shkencave të Jetës dhe Mjedisit – 18 aplikime
• Fakulteti i Shkencave Kompjuterike – 18 aplikime
• Fakulteti Juridik – 13 aplikime

Programi i Konferencës

Konferenca përfshiu:

• Kumtesa kryesore
• Sesione plenare
• Prezantime shkencore
• Diskutime në panele

Ngjarja nisi me performancë muzikore nga Prof. Festa Nevzati, e pasuar nga fjalimi i mirëseardhjes nga Presidenti i Konferencës, Prof. Assoc. Dr. Mentor Alishani, Rektor i Universitetit “Ukshin Hoti” Prizren, dhe Mr. Nehat Dervishi, Koordinator Tematik i Programit “Sustainable Higher Education & Research in Kosovo“ (SHER).

Folësit kryesorë të konferencës ishin:

• Dr. Klaus Schuch, Centre for Social Innovation (Austria), Ekspert Ndërkombëtar SHER
• Prof. Dr. Myzafere Krasniqi-Limani,-  Kryetarja e Këshillit Kombëtar të Shkencës së Kosovës
• Dr. Jeff Terrell, Lincoln Memorial University (USA)

Për dy ditë, studiues nga vende të ndryshme ndanë rezultatet e kërkimeve të tyre, prezantuan qasje të reja dhe zhvilluan bashkëpunime të reja akademike.

Tematika kryesore

BRIDGE 2025 trajtoi tema ndërdisiplinore, duke përfshirë:

• Teknologjinë dhe inovacionin
• Arsimin dhe kulturën
• Gjuhësinë dhe studimet shoqërore
• Ekonominë dhe zhvillimin e qëndrueshëm
• Mjedisin dhe transformimet digjitale

Prizreni, me trashëgiminë e tij historike dhe kulturore, ofroi një ambient frymëzues për zhvillimin e një forumi akademik ndërkombëtar të këtij niveli, duke reflektuar përkushtimin e Universitetit “Ukshin Hoti” ndaj promovimit të dijes dhe kërkimit shkencor.

Komiteti Organizativ

Prof. Assoc. Dr. Serdan KERVAN – Universiteti “UKSHIN HOTI” Prizren, Kryetar
Prof. Ass. Dr. Kushtrim Gashi – Universiteti “UKSHIN HOTI” Prizren, anëtar
Prof. Ass. Dr. Dorinë RAKAJ – Universiteti “UKSHIN HOTI” Prizren, anëtare
Prof. Ass. Dr. Driola SUSURI – Universiteti “UKSHIN HOTI” Prizren, anëtare
Prof. Ass. Dr. Arta MISINI – Universiteti “UKSHIN HOTI” Prizren, anëtare
Prof. Ass. Dr. Gjylë Totaj Salihu – Universiteti “UKSHIN HOTI” Prizren, anëtare
Prof. Ass. Dr. Kujtim Hameli – Universiteti “UKSHIN HOTI” Prizren, anëtar
MSc. Tarik Han – Universiteti “UKSHIN HOTI” Prizren, anëtar
Z. Aqim Emurli – Përfaqësues nga programi SHER, anëtar