Universiteti ka hapur dyert për të gjithë maturantët e shkollave të mesme
Universiteti “Ukshin Hoti” në kuadër të parapërgatitjeve për vitin e ri akademik 2023/2024 dhe angazhimit për orientimin në karrierë, më datë 30 dhe 31 Maj në kampus priti maturantë të shumtë të shoqëruar nga profesorët e tyre.
Gjatë këtyre dy ditëve, nxënësit patën mundësi që nga bashkëbisedimi me stafin akademik, administrativ dhe Parlamentin Studentor të njihen nga afër me universitetin, njësitë akademike, kushtet e regjistrimit, mundësitë për bursa, mundësitë për mobilitet, mundësitë e zhvillimit në karrierë dhe me jetën dhe aktivitetet studentore.
Falënderojmë shkollat e mesme të cilat ishin të gatshme dhe shprehën interesim të na vizitojnë dhe t’i njoftojmë maturantë me universitetin.
Po ashtu falënderojmë stafin akademik, administratën dhe Parlamentin Studentor të cilët jo vetëm gjatë Ditëve të Dyerve të Hapura por edhe gjatë javës së promovimit pa hezituar kontribuan për promovimin e universitetit në shkollat e mesme të Prizrenit, Rahovecit, Therandës, Gjakovës dhe Dragashit. Vlenë të cekët që promovimi u realizua edhe në qytetin e Kukësit.
Me respekt, Nehat Gashi – Udhëheqës i Qendrës së Karrierës dhe Alumnit!
