Sot më datë 15 Nëntor 2024, Universiteti “Ukshin Hoti” Prizren, ka nënshkruar marrëveshje bashkëpunimi me Projektin Sustainable Higher and Education Research in Kosovo – SHER, projekt i financuar nga Austrian Development Cooperation dhe nga Ministria e Arsimit, Shkencës, Teknologjisë dhe Inovacionit.

Marrëveshja u nënshkrua në një ceremoni të veçantë, ku morën pjesë Rektori i Universitetit Prof.Asoc.Dr.Mentor Alishani dhe Udhëheqësi i Projektit Zt. Aqim Emurli. Në këtë ceremoni,  Rektori Alishani, mbajti një fjalë rasti ku falenderoi zt. Emurli për mbështetjen e vazhdueshme që i ka dhënë Universitetit përmes projekteve që ai i ka udhëhequr  dhe për gatishmërinë e tij që ta mbështesë edhe përmes projektit të ri SHER, i cili paraqet një mundësi shumë të mirë për zhvillimin e Universitetit.

Zt.Emurli, prezentoi para të pranishmëve objektivat e projektit dhe mundësitë e bashkëpunimit  me Universitetin “Ukshin Hoti” në Prizren,

Bazuar në këtë Marrëveshje, Projekti SHER do të mbështesë Universitetin me ekspertizë të jashtme dhe të brendshme në hartimin e Planit të ri Strategjik të Universitetit 2025- 2029,  në rishikimin e Statutit të Universitetit, në avancimin e Komisionit Qëndror për Sigurimin e Cilësisë, në ribrandimin  dhe unifikimin e formatit të dokumenteve të Universitetit si dhe në aktivitete tjera përmes të cilave synohet të përmbushen objektivat strategjike të Universitetit.

Të pranishëm në ceremoninë e nënshkrimit ishin edhe pjesëtarët e Këshillit Drejtues, Dekanët e njësive akademike të Universitetit si dhe personeli akademik, administrativ dhe studentët.