Universiteti “Ukshin Hoti” Prizren ka mirëpritur një delegacion të respektuar akademik nga Turqia, në kuadër të thellimit të bashkëpunimit ndërinstitucional dhe shkëmbimit të përvojave akademike ndërkombëtare.

Delegacioni përbëhej nga: Prof. Dr. Sadi Uzunoğlu, Prof. Dr. Ahmet Atakişi, Assistant Prof. Serap Dursun. Si dhe kqndidatët për doktoraturë: Davut Kazaz dhe Adjera Alitoska Kazaz.

Gjatë vizitës, delegacioni u prit nga përfaqësues të udhëheqjes së Universitetit të Prizrenit dhe stafi akademik i Fakultetit të Ekonomisë. Në takim u diskutuan mundësitë për bashkëpunim në fushën e ekonomisë si dhe në sfera tjera.

Vizita u zhvillua në një atmosferë bashkëpunuese dhe miqësore, ku të dy palët shprehën gatishmërinë për të ndërtuar partneritete afatgjata që do të kontribuojnë në rritjen e cilësisë së arsimit dhe kërkimit shkencor.

Universiteti “Ukshin Hoti” Prizren e vlerëson lart këtë vizitë, e cila përbën një hap konkret drejt ndërkombëtarizimit të mëtejshëm të institucionit dhe forcimit të rolit të tij në rrjetin akademik rajonal dhe më gjerë.