Më 05.12.2024, në Universitetin “Ukshin Hoti”, u zhvillua takimi me temë “ Efektshmëria e proceseve të Sigurimit të Cilësisë” mes studentëve të të gjitha Njësive Akademike, takim i udhëhequr nga Zyra për Sigurim të Cilësisë, ku morën pjesë studentë bashkë me Kryetarin e Parlamentit Studentor z. Armend Thaqi.

Përfaqësuesit e Zyrës për Sigurim të Cilësisë ju uruan mirseardhje studentëve, si dhe i njoftuan për rëndësinë e pjesëmarrjes dhe zërit studentor në proceset  e vlerësimit, me qëllim të përmirësimit të standardeve akademike dhe administrative në Universitetin tonë.

Gjatë takimit, u diskutuan :

• Proceset aktuale të Sigurimit të Cilësisë dhe rëndësinë e bashkëpunimit të tyre në vlerësim.
• Përfshirja aktive e studentëve në mekanizmat e vlerësimit të cilësisë
• Sygjerime për rritjen e transparencës dhe përmirësimin e metodave të monitorimit.

Në fjalën e tij, Kryetari i Parlamentit Studentor theksoi rëndësinë e përfshirjes së studentëve në këto procese, duke vënë në dukje se bashkëpunimi midis studentëve dhe institucioneve është thelbësor për arritjen e qëllimeve të përbashkëta. Përderisa përfaqësuesit e Zyrës për Sigurim të Cilësisë paraqitën inicitivat e reja, njëra ndër to dhe lansimin e Pyetësorit për AI, si dhe inkurajuan sygjerimet nga studentët për t’i bërë proceset më të efektshme dhe gjithëpërfshirëse.

Takimi vijoi me një sesion të hapur pyetjesh nga ana e të dy palëve, ku studentët patën rastin të ndanin kërkesat dhe rekomandimet e tyre. Palët u shprehën të gatshëm për një bashkëpunim drejt përmirësimit të cilësisë dhe ngritjes së përvojave studentore në të ardhmen.

Ky takim u mirëprit nga pjesëmarrësit, duke u cilësuar me një rëndësi të veçantë drejt bashkëpunimit mes studentëve dhe strukturave akademike për një sistem arsimor më të ngushtë dhe më cilësor.