Universiteti “Ukshin Hoti” në Prizren, në bashkëpunim me Policinë e Kosovës, do të organizojë një takim informues dhe sensibilizues për të gjithë të rinjtë e interesuar nga Prizreni dhe qytetet e tjera të Rajonit.

 Data: 25 qershor 2025

  Ora: 11:00

Vendi: Amfiteatri i Fakultetit Ekonomik

Takimi ka për qëllim ofrimin e informacioneve dhe sqarimeve të nevojshme lidhur me konkursin e hapur për pranim në Policinë e Kosovës, i cili është aktiv nga data 17.06.2025 deri më 07.07.2025. Të drejtë aplikimi kanë të gjithë personat nga mosha 18 deri në 30 vjeç, të cilët i plotësojnë kriteret e konkursit.

Gjatë takimit, të pranishëm do të jenë përfaqësues të lartë të Drejtorisë Rajonale dhe Drejtorisë së Përgjithshme të Policisë së Kosovës, të cilët do të ofrojnë informata të drejtpërdrejta për procesin e aplikimit, kushtet e punës, dhe mundësitë për zhvillim profesional e akademik brenda këtij institucioni të rëndësishëm të sigurisë.

Ftojmë të gjithë studentët dhe të interesuarit të marrin pjesë në këtë ngjarje me rëndësi, që përveç informimit, synon të inkurajojë të rinjtë të bëhen pjesë e Policisë së Kosovës – një mundësi e mirë për të ndërtuar një karrierë të sigurt dhe të respektuar në shërbim të vendit.

Mirë se vini!